Þeir bloggarar sem ekki láta sól og sumar hindra sig í því að uppfæra bloggsíður sínar, eru margir með hugann við þjóðmálin þennan daginn.
Benedikt Sigurðarson bloggar um orkugeirann og almannahagsmuni og er heldur á því að fara rólega í einkavæðingu orkufyrirtækjanna.
Katrín Jakobsdóttir, varaformaður Vinstri grænna spyr á sinni síðu hvort allt nýtt þurfi að vera „einka“ og leggur út af hugmyndum skólameistara MA um einkarekinn framhaldskóla.
Björn Bjarnason ver í færslu á heimasíðu sinni í kvöld þá aðferð sem hann notar við að svara blaða- og fréttamönnum.
Jón Axel Ólafsson vitnar í nafnlausar heimildir og segir stjórnarfund í 365 miðlum hafa verið bragðdaufan og ekki hafa leitt til niðurstöðu um framtíð fréttastofu Stöðvar 2.
Arna Schram fjallar um lausn Alans Johnstons og um öryggi blaðamanna á vettvangi.
Andrés Magnússon eyjubloggari fer af stað eftir frí og byrjar vel. Hann er hrifinn af viðtali við Benedikt Erlingsson leikara í Lesbókinni.
Stefán Pálsson fjallar um viðtal við formann Vinstri Grænna í Fréttablaðinu og bendir á að það sé fréttnæmt að Ingibjörg Sólrún segi stuðning Afríkuríkja við framboð Íslands vera því að þakka að við stöndum utan Evrópusambandsins.
