Lögreglan í Reykjanesbæ tók í gærkvöldi í sína vörslu Tarantulu könguló af stærstu gerð.
Köngulóin fannst við húsleit í bænum ásamt þremur grömmum af meintu hassi.
Í tilkynningu lögreglunnar segir að hún hafi, ásamt hassinu, verið „færð á lögreglustöðina í örugga geymslu.“
„Ekki er vitað um uppruna Tarantulunnar né hvernig komið var með hana til landssins en eigandinn hafði hana sem gæludýr á heimili sínu í glerbúri og fóðraði hana á músum,“ segir í tilkynningunni.
