Norrænar ríkisstjórnir geta ekki stutt alþjóðlegan lánveitingapakka til Íslendinga nema þeir leggi ítarlegri upplýsingar á borðið. The Wall Street Journal hefur þetta eftir finnska forsætisráðuneytinu, að sögn mbl.is.
Aðstoðarráðuneytisstjóri í finnska fjármálaráðuneytinu, Ilkka, Kajaste, segir að enn vanti nákvæmar áætlanir um hvernig reisa eigi efnahagslífið á Íslandi við, en þær upplýsingar séu nauðsynlegar til að norrænu þjóðirnar skrifi undir. Kajaste mun hafa hitt íslenska embættismenn í síðustu viku, að sögn WSJ.
Alþjóðagjaldeyrissjóðurinn bíður líka eftir frekari upplýsingum áður en stjórn sjóðsins getur fjallað um lánveitinguna, samkvæmt heimildarmönnum innan sjóðisns, segir í Wall Street Journal.
Fulltrúi sænska seðlabankans segir enn ekki ákveðið hvort bankinn taki þátt í björgunarpakkanum eftir að IMF hafi samþykkt 2,1 milljarða dollara lánveitinguna.
