Björn Bjarnason dómsmálaráðherra segir á vefsíðu sinni í kvöld að niðurstöður liggi fyrir í skoðanakönnun sem Samtök atvinnulífsins gerðu á dögunum meðal félagsmanna sinna um áhuga á aðild að Evrópusambandinu. Hann spyr af hverju þær séu ekki birtar.
Björn segist hafa upplýsingar um að 43% þátttakenda hafi verið hlynntir aðild, 40% andvígir og 17% óvissir.
Könnunin varð tilefni deilna á milli forystumanna Samtaka atvinnulífsins og forystumanna eins aðildarfélagsins, Landssambands íslenskra útvegsmanna (LÍÚ). Í framhaldinu gerði stjórn LÍÚ samþykkt um að yrði Samtökum atvinnulífsins beitt fyrir inngöngu Íslands í Evrópusambandið mundi hún leggja það til við félagsmenn að LÍÚ segi sig úr Samtökum atvinnulífsins
