eyjan.is

Milljarðafærslurnar hjá Kaupþingi: FME fékk fyrir tveimur mánuðum sömu upplýsingar og lögreglan

Skömmu eftir fall Kaupþings fékk Fjármálaeftirlitið (FME) sömu ábendingu og Efnahagsbrotadeild fékk fyrir hálfum mánuði um milljarða millifærslur frá bankanum inn á erlenda bankareikninga. Upplýsingafulltrúi Fjármálaeftirlitsins vill ekki gefa upp hvort það aðhafðist eitthvað í málinu. Lögreglan hóf hins vegar athugun strax og henni barst hin nafnlausa ábending um málið.

Þetta kom fram í fréttum Stöðvar tvö í kvöld.

Málið snýst um millifærslur upp á samtals hundrað milljarða króna frá Kaupþingi hér heima inn á erlenda bankareikninga. Grunur leikur á að stjórnendur bankans hafi fært vildarviðskiptavinum stórar fjárhæðir á silfurfati.