eyjan.is

Prófkjör Framsóknar í Kraganum: Siv efst, Helga Sigrún í öðru sæti. Röð breytt vegna kynjareglna

Siv Friðleifsdóttir hreppti efsta sætið í prófkjöri Framsóknarflokksins  í Suðvesturkjördæmi sem fram fór í gær. Helga Sigrún Harðardóttir varð í öðru sæti. 

Kosningu lauk kl. 18, en kosið var í félagsheimili framsóknarmanna við Digranesveg í Kópavogi. Ellefu gáfu kost á sér í þau fimm sæti sem kosið er um.

Alls voru greidd 1068 atkvæði. 1020 atkvæði voru gild en 48 atkvæði voru ógild.

Staða fimm efstu frambjóðenda var þessi eftir að öll atkvæði höfðu verið talin:

Siv Friðleifsdóttir          498 atkvæði í 1. sæti
Helga Sigrún Harðardóttir     433 atkvæði í 1.-2. sæti
Una María Óskarsdóttir        494 atkvæði í 1.-3. sæti
Bryndís Bjarnarson        439 atkvæði í 1.-4. sæti
Svala Rún Sigurðardóttir    510 atkvæði í 1.-5. sæti

Eftir að tillit hefur verið tekið til ákvæða í reglum prófkjörsins um jafnrétti kynjanna, er lokaniðurstaðan um skipan framboðslistans þessi:

1.    sæti    Siv Friðleifsdóttir
2.    sæti    Helga Sigrún Harðardóttir
3.    sæti    Gestur Valgarðsson    með 332 atkvæði í 1.-3. sæti
4.    sæti    Una María Óskarsdóttir
5.    sæti    Styrmir Þorgilsson    með 414 atkvæði í 1.-5. sæti