eyjan.is

Áform um skerðingu á fæðingarstofnunum Selfoss og Suðurnesja afturkölluð

Ögmundur Jónasson heilbrigðisráðherra hefur afturkallað áform um skerðingu á fæðingarþjónustu á sjúkrahúsunum á Selfossi og á Suðurnesjum.

Þetta kom fram á mbl.is.

Að sögn ráðherra munu starfsmenn á Suðurnesjum taka á sig verulega kjaraskerðingu í sparnaðarskyni.

Fyrrverandi heilbrigðisráðherra, Guðlaugur Þór Þórðarson,  hugðist spara í heilbrigðiskerfinu með því að leggja niður vaktþjónustu á skurðdeildunum á Selfossi og
Suðurnesjum, sem hefði þýtt að stór hluti fæðandi kvenna á þeim stöðum hefði orðið að leita til Reykjavíkur.

Ögmundur segir nú horfið frá þessum áformum, en hann tilkynnti starfsfólki á Heilbrigðisstofnun Suðurlands breytt áform á fundi í gær.  Áður hafði hann tekið við um 4.300 undirskriftum, sem Samband sunnlenskra kvenna safnaði til að mótmæla skerðingaráformunum.

Heilbrigðisráðherra mun greina nánar frá þessum breytingum á blaðamannafundi í dag.