Bjarni Benediktsson alþingismaður var kjörinn formaður Sjálfstæðisflokksins á landsfundi flokksins í Laugardalshöllinni í dag. Hann hlaut 990 atkvæði, 58,1%. Keppinautur hans Kristján Þór Júlíusson fékk 688 atkvæði eða 40,4%.
Aðrir fengu 10 atkvæði eða færri.
Alls voru greidd atkvæði 1705. Auðir og ógildir seðlar voru 5.
Bjarni var ákaft hylltur af landsfundarfulltrúum þegar úrslitin voru ljós.
