Morgunblaðið segir frá því í dag að skuldir stjórnmálaflokkanna fimm, sem eiga fulltrúa á þingi, hafi numið 475 milljónum króna í lok árs 2007.
Framsóknarflokkurinn skuldaði 154 milljónir, Samfylkingin 124 milljónir, Vinstri hreyfingin – grænt framboð 91 milljón, Sjálfstæðisflokkurinn 76 milljónir og en Frjálslyndi flokkurinn tæpar 30 milljónir króna.
Árið 2007 þáði Sjálfstæðisflokkurinn 57 milljónir króna í styrki frá lögaðilum eða fyrirtækjum, en enginn annar flokkur þáði jafn mikið í styrkjum.
273 lögaðilar styrktu Sjálfstæðisflokkinn samkvæmt reikningum og meira en helmingur þeirra veitti flokknum leyfilega hámarksupphæð, eða 300.000 krónur.
Á sama tíma styrktu 180 lögaðilar Framsóknarflokkinn, 147 Vinstri græn og 111 Samfylkinguna.
Viðmælendur Morgunblaðsins innan flokkanna töldu flesta styrkjanna hafa borist seinnihluta árs 2006, sem mætti rekja til sveitarstjórnarkosninganna á fyrrihluta ársins, en sumir töldu ljóst að lagasetningin hefði hvatt til þess að afla hærri styrkja, ekki síst
með kosningaár framundan.
