eyjan.is

Ný könnun: Afdráttarlaus andstaða við Icesave. 70% vilja að forseti synji lögunum

Um 70%  svarenda í nýrri skoðanakönnun MMR vilja að forseti Íslands, Ólafur Ragnar Grímsson, synji væntanlegum Icesave-lögum staðfestingar og vísi þeim þannig til þjóðaratkvæðagreiðslu.

Könnunin var gerð fyrir Viðskiptablaðið.

Samkvæmt könnuninni telja rúm 61% svarenda að breytingarnar, sem gerðar voru á fyrirvörunum við ríkisábyrgð á Icesave-samningunum, hafi verið til hins verra fyrir Ísland.

Á vef Indefence-samtakanna má sjá að rúmlega 35 þúsund manns hafa undirritað áskorun á forsetann um að synja Icesave staðfestingar. Það eru mun fleiri en skoruðu á forsetann að hafna fjölmiðlalögunum árið 2004.