Frá áramótum hefur hver lítri af bensíni hækkað um 34 krónur sé mið tekið af allra síðustu hækkunum olíufélaganna í morgun. Þá hækkaði allt eldsneyti og bensínið um fjórar krónur.
Kostar nú hver lítri í sjálfsafgreiðslu á algengum stöðvum í höfuðborginni eigi minna en 208 krónur. Skýringar á hækkuninni nú liggja ekki fyrir en íslenska krónan hefur styrkst örlítið upp á síðkastið og heimsmarkaðsverð á olíu almennt staðið í stað eða lækkað.
Sé mið tekið af fjögurra króna hækkun nú í viðbót við fimm krónu hækkun á eldsneyti fyrir rúmum mánuði síðan auk þeirra 25 krónu gjalda ríkisins á hvern lítra frá áramótum hefur lítrinn af bensíni þannig hækkað um 34 krónur á rúmum þremur mánuðum eða um 11,3 krónur hvern einasta mánuð á þessu ári.