Eyjan greindi frá því í gær að eiginmaður Söndru Bullock hefði átt í framhjáhalds sambandi við aðra konu í ellefu mánuði.
Sandra á ennfremur að hafa flutt út frá honum aðeins örfáum dögum áður en viðhaldið, Michelle ‘Bombshell’ McGee, greindi frá sambandinu í bandarísku slúðurblaði.
Sambandið stóð á meðan Sandra var við tökur á The Blind Side en hún hlaut óskarinn fyrir hlutverk sitt í þeirri mynd.
Sandra Bullock hefur tekið slúðurfréttunum illa og meðal annars hefur hún afboðað sig á frumsýningu á myndinni í London í næstu viku.
Upplýsingafulltrúi hennar kvað ástæðuna persónulega og ófyrirsjáanlega.
Sandra Bullock og Jesse James giftu sig árið 2005 en þá höfðu þau verið saman í eitt ár.
