Hringdi ekki í Björgólf Thor
Forseti Íslands, Ólafur Ragnar Grímsson, vill ekki kannast ekki við að hafa sérstaklega haft samband við auðkýfinginn Björgólf Thor Björgólfsson í byrjun október 2008 og hvatt hann til að koma til Íslands vegna ástandsins sem þá ríkti. Kemur þetta fram á fréttaveitu Björgólfs Thor sem hann opnaði í gær en þar opinberar Björgólfur ýmislegt sem leynd hefur hvílt yfir.
Er forsetinn reyndar ekki sá fyrsti sem neitar að rétt sé farið með upplýsingar. Róbert Wessmann harðneitaði í gær að hafa verið rekinn frá Actavis á sínum tíma eins og Björgólfur heldur einnig fram.
Í skýrslum Björgólfs má sjá að þann 3. október 2008 hafi allmargir áhrifamenn í íslensku þjóðfélagi hringt í hann og beðið hann um að koma til landsins. Þar á meðal forsetinn sjálfur.
Þessu neitar Ólafur Ragnar í Morgunblaði dagsins og segir hafa látið kanna hvort rétt hafi verið. „Ég kannaði heimildir sem ég hef undir höndum og sé ekkert um samtöl við Björgólf Thor þessa daga.“
