Lady Gaga kom aðdáendum sínum á óvart á tónleikum í Minnesota í gær þegar hún frumflutti nýtt lag.
Lagið heitir Living on the Radio og er talsvert rólegra en það sem hefur heyrst frá dívunni til þessa.
Í laginu syngur hún um sjálfa sig, eða að minnsta kosti er það mat þeirra sem hlýddu á textann því hann lýsir lífi sem er harla líkt hennar eigin.
Í textanum segir meðal annars:
„When there’s nowhere to go, and all your friends are gone/And you’ve only got your daddy to call/You can be alright honey, cos your songs are on the radio.“
Aðdáendur hennar fá líka sína athygli í laginu en þá kallar hún ‘litlu skrímslin sín’:
„Baby, you’ve got a friend, so many little monsters, yeah.“
Þetta er annað lagið sem hún frumflytur á tónleikaferð sinni um Bandaríkin.
Hitt lagið heitir You and I en bæði eru væntanleg á hljómplötu sem kemur frá henni snemma á næsta ári.
