Alþingi kemur saman til fundar eftir sumarhlé eftir hádegi í dag. Jóhanna Sigurðardóttir forsætisráðherra mun flytja skýrslu um störf og stefnu ríkisstjórnarinnar, og síðan verða almennar umræður.
Á morgun hefst þingfundur kl. 10:30.
Óvissa ríkir um hvaða mál verða afgreidd á haustþinginu. Líklegt er að ríkisstjórnin vilji fá frumvarp um breytingar á skipulagi Stjórnarráðsins samþykkt.
Stefnt mun að því að þingið standi aðeins í tvær vikur að þessu sinni og vetrarþing komi síðan saman 1. október.
