Guðbjartur Hannesson verður ráðherra í ríkisstjórn Íslands og Kristján L. Möller mun láta af embætti.
Samkvæmt tillögu Jóhönnu Sigurðardóttur mun Árni Páll Árnason skipta um ráðherraembætti og verður efnahags- og viðskiptaráðherra en Guðbjartur tekur við félags- og tryggingaráðuneyti og heilbrigðisráðuneyti, en þau verða í vetur sameinuð í eitt velferðarráðuneyti.
Verði þetta niðurstaðan er ljóst að kynjahlutfall í hinu breytta ráðuneyti Jóhönnu Sigurðardóttur verður ójafnt, sex karlar og fjórar konur. Búist er við að það muni vekja óánægju innan stjórnarflokkanna.
