Tilboð hefur borist í útgáfufélagið Birtíng, stærsta tímaritaútgefanda landsins, og er líklegt að því verði tekið.
Þetta kemur fram á fréttavef Morgunblaðsins.
Hreinn Loftsson, eigandi Birtíngs, segir í samtali við mbl.is að um sé að ræða trausta aðila. Ekki fengust upplýsingar um hverjir tilboðsgjafarnir eru, né heldur um það hvaða verðmiði er settur á félagið.
„Það barst tilboð með ákveðnum skilyrðum, sem við erum að skoða núna. Hvort gengið verði endanlega að tilboðinu skýrist á næstu tveimur til þremur vikum,“ er haft eftir Hreini á vef Morgunblaðsins.
Birtíngur gefur meðal annars út tímaritin Séð og heyrt, Vikuna, Gestgjafann og Hús og híbýli.
