Vill fleiri aðstoðarmenn
Nýjustu ráðherrar stjórnarinnar, þeir Ögmundur Jónasson og Guðbjartur Hannesson, hafa farið þess á leit að fá að fjölga aðstoðarmönnum sínum. Gangi það eftir verða þeir með tvo slíka en hefðin er að ráðherrar hafi aðeins einn aðstoðarmann hverju sinni
Greinir Viðskiptablaðið frá þessu en sem kunnugt er tók Ögmundur við dóms- og mannréttindaráðuneytinu og samgönguráðuneyti meðan Guðbjartur tók við félags-, trygginga- og heilbrigðisráðuneytinu fyrir stuttu.
Hefur reyndar hlutverk beggja aukist enda í raun að taka við tveimur ráðuneytum. Er þeim þó ætlað í viðbót við allt annað að skipuleggja sameiningu ráðuneyta sinna í tvö ný; innanríkis- og velferðarráðuneyti.
