Eyjan.is

Berlusconi kynlífsfíkill: Unglingsstelpan snýr aftur á snekkju

Vinir og vandamenn ítalska forsætisráðherrans, fjölmiðlamógúlsins og milljarðamæringsins Silvo Berlusconi hafa hvatt karlinn til að leita sér hjálpar við kynlífsfíkn.

...þetta mun vera afleiðing þess að eiginkona hans hefur farið fram á skilnað, orðin langþreytt á lauslæti eiginmannsins en á miðvikudag mun hún leysa frá skjóðunni í heilli bók um líf sitt með Berlusconi.

Eiginkona Berlusconi, Veronica Lario (52) hefur loksins gefist upp eftir “tuttugu ár af svikum og lygum”. Vandræðin fóru af stað fyrir alvöru þegar upp komst að Berlusconi hafði mætt í 18 ára afmælisveislu baðfatamódelsins Noemi Letizia í apríl en þar gaf hann henni hálsfesti að andvirði rúmlega einnar milljón íslenskra króna.

Vændiskona hefur einnig haldið því fram að hún hafi eytt nótt á heimili forsætisráðherrans í nóvember í fyrra, en þessu neitar hann.

Í kjölfar stjórnleysisins munu vandamenn Berlusconis hafa hvatt hann til að leita sér meðferðar við vandanum og endurskoða svo skilnaðinn við Veronicu Lario. Hann á að hafa farið í eins til tveggja vikna meðferð við þessu, skömmu fyrir G8 leiðtogafundinn.

Það olli því töluverðu uppnámi þegar sást til stelpuhnátunnar á snekkju við landareign forsætisráðherrans á eyjunni Sardínu. Sjálfur var hann reyndar fjarri góðu gamni en Noemi skemmti sér þarna með nokkrum vinum sínum.

Hin 52 ára  Veronica Lario, starfaði sem leikkona áður en hún gekk í hjónaband með þessum spillta Ítala. Hann sá hana fyrst árið 1980 þar sem hún kastaði af sér klæðum á leiksviði og beraði brjóstin.

Frú Veronica segir það vonlaust að taka saman við forsætisráðherran aftur, lygarnar og svikin hafi gengið svo langt að hún geti aldrei treyst honum og að hún treysti sér ekki til að standa lengur við hlið hans.

“Það sem mér finnst verst er hvað hann hefur skemmt mikið fyrir sjálfum sér. Hann hefur látið svo margt gott af sér leiða en í dag á fólk aðeins eftir að horfa á það sem hann hefur gert rangt”.

Fröken Letizia komst fyrst í fréttirnar í apríl s.l. þegar forsætisráðherra Ítalíu mætti í 18 ára afmæli hennar og gaf henni hálsmen sem kostaði rúma milljón.

Á miðvikudaginn næsta kemur út bók þar sem Veronica lætur gamminn geysa um hjónaband sitt og Berlusconi (einskonar “Jónínu Ben” króníka).

Þar mun reyna á þolrif Ítala í skandalamálum en margir telja þá með sjóuðustu þjóðum heims í þessum efnum.

• Prenta
• Senda
• Senda á Facebook
• Twitter