Eyjan.is

Brittany lést úr of stórum skammti eiturlyfja

Leikkonan Brittany Murphy lést úr of stórum skammti eiturlyfja. Þetta kemur fram í yfirlýsingu sem lögregluyfirvöld Los Angeles borgar sendu frá sér í dag.

Á heimasíðu RadarOnline greinir frá því að Brittany hafi tekið margskonar (eitur)lyf og að andlát hennar hafi verið “slys”. Þar segir jafnframt að Brittany hafi verið þjökuð af alvarlegum járnskorti.

Endanleg krufningarskýrsla mun þó liggja fyrir innan tveggja vikna.

Brittany Murphy (32) fannst látin á heimili sínu í Hollywood þar sem hún bjó með eiginmanni sínum, Simon Monjack. Það var móðir hennar sem kom að henni.

Bæði móðir Brittany og eiginmaður halda því fram að unga konan hafi látist af eðlilegum orsökum. Enn fremur neita þau því að hún hafi átt við átröskunar eða eiturlyfjavanda að etja.

Brittany var þekktust fyrir leik sinn í myndunum Clueless, Just Married og 8 Mile þar sem hún lék á móti Eminem.

• Prenta
• Senda
• Senda á Facebook
• Twitter