Eyjan.is

Lindsay Lohan skvetti drykk í andlitið á Sam Ronson: Reyndi allt til að gera hana afbrýðissama

Fá sambönd hafa fengið jafn mikla athygli slúðurpressunnar og ástarsamband þeirra Lindsay Lohan og plötusnúðarins Samönthu Ronson.

Þær hafa hætt og byrjað saman á víxl en eftir því sem á líður virðist andlegt ástand Lindsay Lohan fara versnandi.

Bandaríski slúðurvefurinn RadarOnline greinir nú frá því að Lindsay hafi mætt haugdrukkinn á skemmtistað þar sem Sam þeytti skífum. Lindsay drakk vodka af stút og bruddi pillur með.

Hún stillti sér upp fyrir framan “diskóbúrið” og reyndi allt til að fanga athygli fyrrum ástkonu sinnar og gera hana afbrýðisama. Dansaði m.a. eggjandi dans beint fyrir framan augu hennar við gullfallega þokkadís en allt kom fyrir ekki.

Lindsay “snappaði”

Sam fór þó að leiðast skrípaleikurinn eftir því sem á leið og á endanum sagði hún við Lindsay:

“Af hverju færðu þér ekki meira að drekka?” og bætti svo við “þú ert til háborinnar skammar.”

Við þetta reiddist Lindsay heiftarlega. Tók upp glas og skvetti drykknum beint í andlitið á Sam sem svaraði í sömu mynt og hendi tækjabúnaði úr diskóbúrinu í Lindsay.

Áður en allt fór á versta veg tókst vinkonu Lindsay að draga hana í burtu.

“Lindsay hefur enga stjórn á sér þegar Sam er annars vegar. Hún hefur klárlega mjög sterkar tilfinningar til hennar og er enganvegin komin yfir sambandið. Þetta er baneitrað ástand,” sagði heimildarmaður Radar.

• Prenta
• Senda
• Senda á Facebook
• Twitter