Er möguleiki að Íslendingar taki ekki þátt í að borga Icesave?

Það virðist ekki vera, ekki ef við ætlum að halda áfram eðlilegum tengslum við útlönd og fá aðstoð við að koma okkur út úr kreppunni. Því miður var stofnað til Icesave samkvæmt íslenskum lögum.

Kreppan er því miður verri á Íslandi en víðast hvar. Bólan var svo yfirgengilega stór. Í Evrópu og Bandaríkjunum er farið að tala um að bati sé í sjónmáli. Það er náttúrlega mikilvægt fyrir Íslendinga líka.

Umræðan um Icesave er býsna ofsafengin. En það er ekki möguleiki fyrir þjóðina að skella dyrunum og segjast ekki ætla að borga. Það er versta hugsanlega leiðin. Sagan sýnir að Íslendingum hefur ekki reynst vel að loka að sér.

Friðrik Jónsson skrifar pistil um þetta hér á Eyjuna. Það er allt í lagi að skoða hvað hann segir mitt í öllum æsingnum. Margt í þessu er skynsamlegt hjá framsóknarmanninum Friðriki.