Ég er ekki sérlega fróður um þessi mál, en ég hef stórar efasemdir um að rétt sé að rækta erfðabreyttar plöntur í íslenskri náttúru. Í þessu efni verður að fara að öllu með mestu gát.
Samtök náttúruverndarsinna og áhugafólk um mat og ræktun hafa varað við þessu.
Sjá til dæmis þessa grein Kristínar Völu Ragnarsdóttur, forseta verkfræði- og náttúruvísindasviðs Háskóla Íslands.
Í gær birtust fréttir um skemmdarverk í reit þar sem fyrirtækið ORF er að rækta erfðabreytt bygg.
En eins og sjá má í þessari afar fróðlegu bloggfærslu Helga Jóhanns Haukssonar er ekki allt sem sýnist varðandi þessa frétt.
Reiturinn virðist hafa verið í órækt og net sem höfðu verið sett upp til að verja hann voru illa farin. Allt ber þetta vott um slakt eftirlit, sem er í andstöðu við það sem var lagt upp með þegar þessi ræktun hófst.