Svarta bókin um kommúnismans sem Hannes Hólmsteinn Gissurarson hefur nú þýtt á íslensku er mjög merkilegt rit.
Hún er eiginlega skyldulesning. Dálítið þurr að vísu, enda eru stórir hlutar hennar nánast í skýrsluformi.
Við vitum þá allavega hvaða leiðir við eigum alls ekki að fara út úr kreppum kapítalismans.
En það er dálítið hætt við því að bókin falli í skuggann vegna þess hversu þýðandinn er umdeildur.
Bókin kom út í Frakklandi árið 1997 og vakti miklar deilur. Í formála bókarinnar reynir ritstjórinn Stéphane Courtois að áætla hversu mörg mannslíf kommúnisminn hefur kostað.
Niðurstaða hans er 94 milljónir. Þar af 65 milljónir í Kína og 20 milljónir í Sovétríkjunum.
Að mörgu leyti var mikilvægt að bókin er frönsk að uppruna. Óvíða voru menntamenn og listamenn jafn hallir undir kommúnismann og í Frakklandi – menningarpáfar eins og Sartre, Éluard og Picasso sem urðu þannig meðreiðarsveinar glæpahyskis.